اسلام آباد۔9جون (اے پی پی):وزیرِ اعظم عمران خان آکھیے جو پاکستان اچ پہلی دفعہ معاشی طور تے کمزور طبقے کوں غربت توں کڈھݨ کیتے جامع حکمت عملی مرتب کیتی ڳئی اے ، حکومت دی اولین ترجیح تلویں طبقے کوں روزگار اچ خود کفیل بݨاوݨا اے۔ اے ڳال انہاں ٻدھ کوں اتھاں کامیاب پاکستان پروگرام دے اعلی سطح دے اجلاس دی صدارت کریندے ہوئیں آکھی اے ۔اجلاس اچ وفاقی وزیرِ خزانہ شوکت فیاض ترین، معاونینِ خصوصی وقار مسعود، عثمان ڈار، چیئرمین نیا پاکستان ہاؤسنگ اتھارٹی لیفٹیننٹ جنرل (ر) انور علی حیدر، چیئرمین حبیب بنک سلطان علی الانہ، طفر مسعود پریزیڈنٹ پنجاب بنک، متعلقہ اعلی حکام اتے سٹیک ہولڈرز شرکت کیتی،اجلاس کوں کامیاب جوان پروگرام دے تحت کامیاب کاروبار، کامیاب کسان اتے کامیاب ہنرمند پروگرام، گھٹ لاگت رہائشی سکیماں تے کامیاب پاکستان ہاؤسنگ کیتے ہول سیل لینڈنگ کوں ھک پروگرام، کامیاب پاکستان پروگرام اچ رلاوݨ تے بریفنگ ݙتی ڳئی. کامیاب پاکستان پروگرام ملک اچ معاشی سرگرمیاں کوں ودھاوݨ تے لوکاں کوں روزگار کیتے خود کفیل کرݨ اچ اہم کردار ادا کریسی ۔
.jpg)
