اسلام آباد ۔ 12 دسمبر (اے پی پی) وزیر اعظم عمران خان آکھیے جو بھارتی وزیر اعظم نریندر مودی دی قیادت اچ بھارت ہندو بالادستی دے ایجنڈے تے گامزن اے جیں دا آغاز مقبوضہ اچ غیر قانونی تسلط اتے محاصرے توں تھئے ۔ خمیس کوں اپنڑے ٹویٹ اچ وزیراعظم عمران خان آکھیے جو آسام اچ 20 لکھ مسلماناں کوں شہریت توں محروم کیتا گے تے انہاں کیتے حراستی مراکز قائم تھئے ہنڑ شہریت دا متنازعہ ترمیمی بل منظور کیتا گے ۔ انہاں آکھیے جو ایں سارے دے نال نال مسلماناں سمیت ساریاں اقلیت کوں پرتشدد ہجوم دے رحم و کرم تے چھوڑ ڈتا گے ۔ وزیراعظم آکھیے جو دنیا کوں ایندا ادراک کرنڑاں چاہیدے جو نسل کشی دے ذریعے نازی جرمنی دی بالادستی دے ایجنڈے نال ڈوجھی جنگ عظیم چھڑی ،مودی دا ہندواں دی بالادستی دا ایجنڈا تے پاکستان کوں تڑیاں وڈے پیمانے تے خونریزی دا باعث بنڑسن ۔ وزیر اعظم آکھیے جو دنیا منڈلیندے ایٹمی خطرے دے نتیجے دا ادرا ک کرے نازی جرمنی وانگوں مودی دے بھارت اچ وی لوکاں کوں اختلاف دے حق توں محروم کرڈتا گے ۔انہاں آکھیے جو ایندے توں پہلے جو دیر تھی ونجے عالمی برادری ہندو بالادستی کوں روکنڑ کیتے مداخلت کرے۔
.jpg)
