اسلام آباد۔ 22 جنوری (اے پی پی) وزیر مملکت اطلاعات،نشریات تے قومی ورثہ مریم اورنگزیب آکھیا جو قائد اعظم دے نظریے دے تحت جدید اتے روشن پاکستان دی معمار مسلم لیگ(ن) ای اے،پاکستان اچ جمہوریت توانا تھیندی پئی اے اتے پارلیمانی نظام مضبوط تھیندا پئے ،دہشت گردی کوں ہرا کراہیں پاکستان دنیا اچ آپنڑاں مثبت تشخص اجاگر کیتے،ماضی دے مقابلے اچ اجوکا پاکستان روشن اے،لوڈشیڈنگ ختم اتے توانائی دے بحران تے قابو پا گھدا گئے،دنیا جلدی ترقی یافتہ اتے خوشحال پاکستان دی تصویر ڈیکھسی،کوئی اوکھ مسلم لیگ (ن) دی حکومت کوں قومی ترقیاتی اہداف دے حصول توں نی روک سگدی،پاکستان اچ آئین تے قنون دی حکمرانی اے۔ادارے با اختیار اتے پوری آزادی نال کم کریندے پئن ،اقلیتاں محفوظ اتے تریمتیں با اختیار ہن ،قومی دھارے اچ انہاں دا کردار ودھدا پئے۔سول سوسائٹی بہوں متحریک،پاکستانی میڈیا کوں حاصل آزادی دی کہیں بئی جاہ تے مثال نی ملدی،پاکستان کھیڈ اتے فنون لطیفہ اچ گھاٹی دلچسپی رکھنڑ آلی زندہ قوم اے۔انہاں اے گالھ داعالمی اقتصادی فورم اچ شرکت سانگے ڈیوس روانگی توں پہلے گالھ مہاڑ کریندیں ہوئیں آکھی۔
.jpg)
