اسلام آباد ۔06 دسمبر (اے پی پی) وزیراعظم عمران خان آکھیا جو اجوکی حکومت میڈیا دی آزادی تے یقین رکھیندی اے،ریاست دا چوتھا ستون ہوونڑ پاروں میڈٰیا دا معاشرے اتے حکومتی اقدامات تے رائے عامہ قائم کرنڑ اچ کردار کلیدی حیثیت رکھیندے۔اے گالھیں انہاں جمعے کوں وزارت اطلاعات تے نشریات اچ اصطلاحات، حکومت ولوں شروع کیتے گئے عوامی فلاح دے منصوبے،معاشی تے اقتصادی ترقی اتے ملک دا مثبت تشخص کوں اجاگر کرنڑ بارے پریس انفارمیشن ڈیپارٹمنٹ دے کردار اتے مستقبل دے لائحہ عمل تے بریفنگ گھندیں ہوئیں آکھی۔اجلاس اچ وزیر برائے منصوبہ بندی اسد عمر، معاون خصوصی ڈاکٹر فردوس عاشق اعوان، شہباز گل، سیکرٹری اطلاعات زاہدہ پروین اتے سینئر افسر شریک ہن۔وزیراعظم کوں وزارت دی کارکردگی،افرادی قوت،مختلف وفاقی وزارتاں دی کارکردگی کوں اجاگر کرنڑ بارے ہم آہنگی بئی موثر اتے ڈیجیٹل میڈیا بارے جدید ٹیکنالوجی بارے مختلف تجویزاں تے بریفنگ ڈتی گئی ۔
