اسلام آباد۔ 8 جولائی (اے پی پی) وفاقی وزیر اطلاعات تے نشریات عط??ء اللہ تارڑ آکھیا جو سپورٹس جرنلسٹس گراس روٹ لیول توں ڳِھن تے عالمی مقابلیاں تئیں کھیڈاں کوں اُجاگر کیتا، اساں سبز ہلالی پرچم دی چھاں تلے ایجھی قوم نال وابستہ ہن جتھ ٻہوں ٹیلنٹ موجود اے۔او منگل کوں مقامی ہوٹل اچ راولپنڈی اسلام آباد جرنلسٹس ایسوسی ایشن ولوں ”ورلڈ سپورٹس جرنلسٹس دے“ بارے تھیوݨ آلی تقریب توں خطاب کریندیں ہوئیں آکھی۔ وفاقی وزیر آکھیا جو اڄ سپورٹس جرنلسٹس دے حوالے نال اہم ݙینھ اے، کھیڈاں دی سرگرمیاں کوں اُجاگر کرݨ، انہاں کوں اڳوں ودھاوݨ اَتے صحت مند مقابلے دے رجحان کوں فروغ ݙیوݨ اچ سپورٹس جرنلزم کلیدی کردار ادا کیتے۔ انہاں آکھیا جو سپورٹس جرنلسٹس گراس روٹ لیول توں ڳِھن تے بین الاقوامی سطح تئیں دے مقابلیاں اچ کھیڈاں کوں نمایاں کیتا اَتے پاکستان دی کھیڈاں دی تاریخ اچ جتنا وی ناں اَتے وقار پیدا تھیا، اوں دے پِچھے سپورٹس جرنلسٹس دی انتھک محنت کار فرما اے۔ وفاقی وزیر آکھیا جو سپورٹس جرنلزم نہ صرف پاکستان بلکہ پوری دنیا اچ نوجوان کھڈاریاں کیتے امید، حوصلہ اَتے عزم دا سنیھا ݙتے۔ انہاں آکھیا جو “سپورٹس مین سپرٹ” اَتے “سپرٹ آف دی گیم” صرف میدان اچ نئیں بلکہ صحافیاں دی رپورٹنگ توں جنم گھِندن جو آپݨی تحریر اَتے تصویراں دے ذریعے کھڈاریاں دے حوصلے بُلند کریندن۔عط??ء اللہ تارڑ آکھیا جو ارشد ندیم سویں قومی ہیروز دی کامیابیاں ہوون یا پاکستان دی کرکٹ، ہاکی اَتے باکسنگ دی شاندار روایات، انہاں ساریاں کوں قوم دے سامݨے گھن آوݨ اچ سپورٹس جرنلسٹس دا اہم کردار اے۔ وفاقی وزیر آکھیا جو حکومت جتھ کھیڈاں دی سرپرستی اَتے حوصلہ افزائی کریندی پئی ہے اتھاں سپورٹس جرنلزم دی حوصلہ افزائی وی اساݙیاں ترجیحات اچ شامل اے، حکومت پاکستان اَتے وزارت اطلاعات سپورٹس جرنلسٹس کوں ہر ممکن معاونت یا سہولت ݙیسی۔ وفاقی وزیر اطلاعات سپورٹس جرنلسٹس ایسوسی ایش?? دے نو منتخب عہدیداراں کوں مبارخ وی ݙتی اَتے ایں امید دا اظہار کیتا جو نومنتخب عہدیداران سپورٹس جرنلزم کوں فروغ ݙیوݨ اچ آپݨا بھرپور کردار ادا کریندے رہسن۔
