استنبول۔25مئی(اے پی پی) وزیراعظم محمد شہباز شریف اڄ ݙو ݙینھ دے دورے تے استنبول پُڄ ڳَئن۔ وزیراعظم دفتر دے میڈیا ونگ توں جاری بیان موجب، استنبول پڄݨ تے ترک وزیر دفاع یشار گلر، ڈپٹی گورنراستنبول اردوان توران ایرمش، ترکیہ اچ پاکستانی سفیر یوسف جنید، کونسل جنرل استنبول نعمان اسلم، حکومت ترکیہ دے اعلیٰ حکام اَتے ترکیہ اچ تعینات پاکستانی سفارتکاراں وزیراعظم دا استقبال کیتا۔
وزیراعظم شہباز شریف اڄ ترک صدر رجب طیب اردوان نال ملاقات کریسن۔ ݙوہیں رہنما ترکیہ اَتے پاکستان وچال دفاع، معیشت، سیاحت اَتے ثقافت سودھے مختلف شعبیں اچ تعاون ودھاوݨ تے ڳالھ مہاڑ کریسن۔ وزیراعظم دے دورے دا مقصد ترکیہ دے عوام اَتے خاص طور تے ترک صدر دا اڄوکی پاک بھارت کشیدگی دے دوران بھرپور تعاون اَتے حمایت تے شکریہ ادا کرݨ اے۔ ترکیہ ہمیشہ وانڳوں ایں واری وی جݙاں بھارت دی طرفوں پاکستان تے جنگ مسلط کیتی ڳئی تا?? اوں پاکستان دے اصولی موقف دی بھرپور حمایت کیتی۔ نائب وزیراعظم اَتے وزیر خارجہ سینیٹر محمد اسحاق ڈار، وزیر اطلاعات و نشریات عطا اللہ تارڑ اَتے معاون خصوصی طارق فاطمی وی وزیراعظم دے رلے ہَن۔
